Náttúra og tøkni 1 - Næmingabók
Undirvísingin í náttúru og tøkni tekur støði í landafrøðiligu, alis-/evnafrøðiligu og lívfrøðiligu umstøðunum í heimstaðnum, í Føroyum og umheiminum. Næmingarnir skulu læra um tøkniligu menningina, ið er ein sjálvsagdur partur í okkara gerandisdegi. Í hesi bók venda tekstur og tekningar sær til næmingin. Fyri hvørt evni er ætlanin, at lærari og næmingur tosa saman um innihaldið og endamálið við undirvísingini og somuleiðis, hvat annað tilfar skal nýtast aftur at hesi bókini. Til grundbókina er gjørd arbeiðsbók við uppgávum og amboðskassi. Neyðug amboð til royndirnar kunnu keypast frá Bókamiðsøluni.
