Kom og skriva 3 - Næmingabók
Kom og skriva 3 er framhald av undanfarnu bókunum og er ætlað undirvísingini í skrivligum føroyskum í 6.-7. flokki. Bøkurnar byggja á ávegisskriving, har skrivað verður við hugflogi og opnum sinni. Endamálið við ávegisskriving er við miðvísari venjing og leiðbeining at menna skrivigleðina og skriviførleikan hjá næmingunum. Á Kom og skriva 3 er serligur dentur lagdur á at gera næmingarnar tilvitaðar um ymisk tekstasløg. Bókin er í 6 høvuðspørtum og teir eru: Út at ferðast, skemtisøgur, vísindaskaldskapur, sjónleikur, størstur er kærleikin og bløð.
