Vørukurv

Heiðafuglur í Føroyum er onnur upprunaføroyska faktakrabbabókin. Tað er Beinta Johannessen, sum er lívfrøðingur og blaðstjóri á Strok, sum hevur skrivað og lagt til rættis.

Í Føroyum er nógvur heiðafuglur. Ein stórur partur av honum er flytifuglur. Flytifuglur er bara í Føroyum um summarið, tá ið hann reiðrast. Um veturin flýgur hann til heitari lond at vera. Les um, hvat eyðkennir heiðafugl, um sansir og bygnað, og hvat vaðfuglur, búfuglur, flytifuglur og støðufuglur er. Til ber eisini at lesa um ávís fuglasløg, sum nógv eru til av í Føroyum. Aftast í bókini er listi yvir fuglanøvn á føroyskum og latínskum umframt upplýsingar um vekt, longd, flog, og hvussu nógv egg fuglurin verpur. Eisini er orðalisti. Fjórða torleikastig - violettur krabbi