Valtrarfiskur (bendlafiskaættin)
Lamprogrammus shcherbachevi.
dissertation on b2b ecommerce how to write a leadership essay dissertation learning organization how to write an application letter pptCohen & Rohr, 1993

Stødd: Valtrarfiskur verður upp ímóti 200 cm langur.

Dýpi: Hann er niður á umleið 1000 metra dýpi.

Litur: Tað er óvist, hvussu hann er littur livandi, men sjávaður úr trolinum er liturin gráur/gráhvítur.

Teinar: R 130-140; G 104-117.

Lýsing: Valtrarfiskur er langur og klænur fiskur. Um bulin er hann tvær ferðir so høgur, sum hann er breiður, og aftari er hann enn smalri. Hann hevur ikki búkfjaðrar. Uggafjaðrar eru, tó longdin er ókend. Hann hevur eina langa ryggfjøður, eina langa gotfjøður. 71-74 ryggjargeislar. Høvdið er um 12% av heildarlongdini, og tað er lægri, enn tað er langt, og smalri, enn tað er høgt. Frá kjaftinum upp á nakkan eru einar 8 kullur niður í skallan, og ímillum stinga ryggir seg upp í ymsum skapi. Kjafturin er miðalstórur, bogadregin og kemur aftur um eyguni. Hann hevur heilt smáar tenn í tøttum tanngarði, aðrar tenn eru ikki, smalar granar og fýra nasagluggar, ið eru frammarlaga beint yvir yvirkjaftinum, tveir hvørjumegin. Afturkanturin á kápuni er beinur og bleytur. Fremra kápubeinið er mitt á kápuni, hevur 5-7 flatar vøkstir afturúr. Hann hevur smá eygu, onga finnu ella aðrar vøkstir úr høvdinum. Ein strika við umleið 35 kullum er ovarlaga eftir síðuni. Tær størstu kullurnar eru um 2-3 cm langar, 1 cm breiðar og 0,7 cm djúpar. Ein meira vanlig strika er mitt eftir síðuni.

Eyðkenni: Vøkstirnir á kápuboganum. Strikan.

Týdningur: Hann hevur ikki vinnuligan týdning.

ís: Trølli