Útbreiðsla: Hann er úr 70°N í Davisfirði suður móti 47°N vestanfyri. Eystanfyri er hann úr Eysturgrønlandi suður í Biskeiavíkina. Undir Føroyum er hann fingin á Lúsabankaleiðini. Á syðru hálvu er hann úti fyri Brasil, Kili, Nýsælandi og Avstralia.
Macdonalds prikkafiskur (prikkafiskaættin)
Lampanyctus macdonaldi
dunkin donuts business plan phd thesis in medicinal chemistry phd dissertation assistance zakaria buy a dissertation paper(Goode & Bean, 1896)
Stødd: 16 cm sigst verða mesta longdin á macdonalds prikkafiski.
Dýpi: Hann er úr umleið 60 metrum um náttina niður á í minsta lagi 1000 metrar um dagin.
Litur: Hann er svartbrúnligur, dimmgrómutur. Óskalaður er hann møguliga kámt silvurlittur um síðurnar.
Teinar: R14-16; G17(15-18). Táknatindar: 7(6-8)+1+16(14-18), til samans 24(21-26).
Lýsing: Macdonalds prikkafiskur líkist í skapi øðrum prikkafiskum. Hann hevur eina stóra ryggfjøður, eina stóra gotfjøður, umleið á stødd við ryggfjøðurina, eina lítla fitifjøður og smáar búkfjaðrar og bert ein viðfáning av uggafjaðrum. Sterturin er miðalstórur, nógv sýldur. Hann hevur lítið høvd. Eyguni sita fremst móti gronini, og kjafturin er stórur, fyllir næstan alt tað niðasta av høvdinum. Hann hevur beina striku. Ljósgøgn sita um allan undirpartin, eini 25-30. Eini 6-8 á síðunum, undir strikuni.
Eyðkenni: Heilt smáu uggafjaðrarnar, gotfjøðurfestið er longri enn ryggfjøðurfestið.
Týdningur: Hann hevur ikki havt vinnuligan týdning.
da: Macdonalds prikfisk, en: Rakery beaconlamp, ís: Brúnalaxsíld, no: Brun lysprikkfisk