Jákup í Jógvansstovu (1913-)
Hann er føddur í Leirvík 1/8-1913. Aftan á loknan barnaskúla var hann í fýra ár til skips, hevur síðan arbeitt sum smiður og røkt eitt 2-marka festi, sum hann festi í 1947 og læt soninum í 1982.
So av og á hevur Jákup latið jólablaðnum »Hugnalig jól« tilfar, og í 1979 kom frá hansara hond bókin »Eyskarið« við søgum, frásøgnum og yrkingum.
Úr: Árni Dahl: Bókmentasøga I-III. Fannir. 1980-83. (GG. Seinast dagført í 1983).