Almenni savnsfagnaðurin er nú byrjaður. Søvnini hava opið frá kl. 11 til 16 hvønn dag til og við 16. oktober. 

Evnið í ársins Savnsfagnaði er orka. Fyrireikararnir heita tí á tey vitjandi um at lata bilin standa fyri at spara orku. Í hesum sambandi er ókeypis bussur settur at koyra millum tey fýra søvnini allar fimm dagarnar almenni Savnsfagnaðurin er. Sí ferðaætlanini.

Savnsfagnaðurin fyri skúlaflokkar verður í vikuni eftir, frá 19. - 23 oktober. Neyðugt er hjá skúlunum at tekna seg. Her er slóð til kunning um, hvat søvnini hava at bjóða børnum og ungum.

Evnið í ár er ORKA, og tað skal síggjast sum yvirordnað uppskot/tema í breiðum samanhangi útfrá náttúru, søgu, list og samfelagsligum sjónarmiði.

Heystfagnaðurin verður í ár víðkaður til at vera ein savnsfagnaður, sum eftir ætlan skal halda fram komandi árini.