Norðurlendskur Veðurlagsdagur 11. november 2011
Fríggjadagurin 11.11.11 er norðurlendskur veðurlagsdagur. Evnið í ár er matur og veðurlag.
Endamálið við tiltakinum er at menna norðurlendskt skúlasamstarv og at geva lærarum og næmingum íblástur og áhuga í veðurlagi og veðurlagsspurningum.
Norðurlendski veðurlagsdagurin er eisini knýttur at norðurlendsku málherferðini, sum hevur til endamáls at menna grannamálsfatan í norðurlondum, tískil er alt samskifti viðvíkjandi veðurlagsdegnum á norskum, svenskum og donskum.
Undirvísingartiltøk og kappingar eru fyri alt skúlaverkið, og virðislønir verða latnar. Í ár verður m.a. møguleiki at senda uppskriftir inn til eina norðurlendska kókibók.
