Skygni 6 er ætlað undirvísingini í støddfrøði í sætta flokki. Bókaheildin leggur upp til næmingalagaða undirvísing. Eftir flestu kapittlar eru støðuroyndir, og við støði í teimum eru grønar síður og bláar síður, har evnið í kapitlinum verður viðgjørt á ymiskum torleikastigi. Á teimum reyðu síðunum eru blandaðar uppgávur.

Í avritsmappurni eru umframt avritssíður, nøtir, fimisrokning, tippa 13 og svarlisti. Avritssíðurnar eru knýttar at næmingabókini og eru tískil partur av tilfarinum til støddfrøðiundirvísingina í 6. flokki. Avritssíðurnar kunnu verða nýttar so hvørt, sum næmingabókin verður gjøgnumgingin, men tær kunnu eisini verða nýttar sum uppafturtøka ella til næmingalagaða undirvísing.