Les 3 er triðja bók í Les røðini. Tekstasavnið er ætlað til føroyskt í 10. flokki. Tekstasavnið er uttan iva eisini væl egnað til føroyskt á C í miðnámi. Høvðusevnið í tekstasavninum er lívsvirðir í samfelgsligum høpi, og bókin er býtt í fimm partar, sum viðgera hvør sítt aspekt av evninum. Tekstasavnið umfatar stuttsøgur, yrkingar, leikrit, brot úr skaldsøgum, blaðgreinar, skaldskap á mannamunni, sálmar og brøv. Harumframt eru bæði nýggj og eldri føroysk myndlist umboðað í savninum.