Savnsfagnaðurin útskrivar filmskapping til ung í aldrinum 12-20 ár. Her er ætlanin, at tey ungu skulu taka eina telefon, eitt myndatól ella eitthvørt videotólið og filma tað, tey síggja. Tað snýr seg um at eygleiða, vera árvakin og filma okkurt, sum undrar ella hugtekur.
Høvuðsevnið á Savnsfagnaðinum 2010 verður eygleiðing. Eygleiðingin er fyrsta stigið til at savna sær vitan – eygleiðingin skapar áhuga, áhugin skapar eldhuga, eldhugin kann føra til nýggja vitan, list og vísindi. Les meira um filmskappingina í viðfesta kunningarskrivi.