Norðurlendsku undirvísingarmálaráðharrarnir hava tikið stig til at varpa ljós á stóra umhvørvistrupulleikan – broytingin í hitajavnvágini á jørðini - og hava samtykt at skipa fyri einum norðurlendskum veðurlagsdegi, sum verður 11. nov. 2009. Ætlanin er, at á heimasíðuni skal vera kunning um: Undirvísingartilfar, norðurlendska samstarvið, tiltøk og virksemi í Norðurlondum, evnissíður, kappingar, teldutøkar undirvísingargongdir og ein webbloggur. Tilfarið er ætlað fólkaskúla- og miðnámsflokkum.