Á hesi heimasíðu ber til at læra um 20 enskar yrkjarar og lesa og hoyra eina yrking frá hvørjum teirra. Øll skaldini vóru frammi í tíðarskeiðinum 1750-1940, tó uttan Shakespeare, sum eisini er við vegna serligu støðu hansara í enskum bókmentum.

Yrkingarnar eru býttar sundur fýra evnisflokkar og undir teimum eru síður fyri hvørt skald við yrkingum og ævisøgu. Í tekstinum eru orðafrágreiðingar og á hvørji síðu eru tvær uppgávur, ein spurnaruppgáva og ein skriviuppgáva at skriva út. Eisini ber til at hoyra yrkingina lisna upp.

Endamálið við hesi frálæru er:

• at geva næmingunum kunnleika um nøkur ensk skald
• at geva næmingunum kunnleika um eina yrking hjá hvørjum úrvaldum skaldi
• at næmingarnir læra at kenna týdnigin av gomlum enskum orðum í yrkingum
• at næmingarnir fáa venjing í at lesa og skilja rútmuna í yrkingunum
• at næmingarnir fáa høvi at tulka yrkingarnar
• at stimbra hug næminganna til framhaldandi yrkingalestur og yrkingasmíð
• at stimbra hug næminganna at skilja og greiða frá egnum kenslum og hugsanum

Nakrar hentar ávísingar:
Ørindisreglurnar byrja altíð við stórum stavi, so fyri at skilja yrkingina betur, skal havast í huga at lesa eftir teknsetingini og ikki eftir reglunum.

Myndin á forsíðuni er av málninginum "Pinkie" eftir enska listamannin Thomas Lawrence.

Høvundur: Málfríður Kolbrún Guðnadóttir
Upplestur: Oliver Kentish
Grafikkur: Jóhann Heiðar Jónsson
Týðing: Gundur Mortensen
Útgivið við loyvi frá Námsgagnastofun í íslandi:
Føroya Skúlabókagrunnur 2007.